零期乳癌

由七月收到醫院電話返去見醫生，又要照，又要抽針，經過漫長嘅檢查同等待，再檢查再等待，最後重做埋手術抽取組織化驗，今日終於可以見醫生睇報告喇！奶奶已經確診零期乳癌，真係唔知好彩定唔好彩！唔好彩係點解會有，好彩係而家發現得早，都只係零期，同埋之前抽組織出黎嘅時候已經全部唔好嘅野都攞左出黎，唔使再suffer開多一次刀！雖然乳癌聽起來好似好可怕，但係知道係零期果一刻都鬆左一口氣！

下一步又要等下星期見腫瘤科醫生，睇吓之後有咩療程要跟進！希望做好哂呢d野之後，好快無事啦！