本來諗住剪貼習作都係遲少少先同Ambrose一齊做，就算係，都要剪定俾佢貼番落本習作度，為左唔好浪費呢d習作，媽咪都係諗住收起先，到Ambrose真係剪得好時至做！
點知收貨當晚爹爹拆開左包裹就咁將d書擺响媽咪書檯度，Ambrose見到d習作就話要做功課，果晚要同二表姐慶祝生日，勉強氹到Ambrose放低本書。今日Ambrose响屋企，突然又諗起本習作話要做功課，平時唔會同Ambrose做功課嘅爹爹，都要打俾媽咪問本習作放左响邊。
媽咪放工返黎，爹爹就同媽咪講Ambrose做左幾個剪貼習作，有d係純貼貼紙，有d就真係要响本書剪出圖案再貼番上圖畫上面，爹爹話Ambrose自己可以做到，雖然唔係剪得好直好靚，但都係佢自己剪自己貼，真係好叻！原來只要俾機會小朋友去試，有d野大人覺得未必得嘅，小朋友其實係可以架喎！
沒有留言:
張貼留言