超平workbooks

之前見到公司附近有間完全無裝修嘅舖頭好似新開，專賣書嘅，平時媽咪就唔會行呢d舖頭架喇，實無野啱，點知今日經過，門口望入去好似見到d書展見過嘅圖書，忍唔住八掛行左入去睇！原來成間舖嘅書都賣緊一百蚊八本，好平！圖書媽咪就唔買架喇，買得幾多丫！不過俾媽咪見到有workbooks，揀左兩本近Ambrose能力嘅，遲少少就啱做！再揀左兩本運筆書仔，上次書展時有見過架喇，不過無咩時間睇，又要買夠八本，媽咪買唔到八本運筆書仔，所以果時就放棄唔買，今次有其他workbook可揀，咁就揀左兩本！最後，就係圓圓貼習作，可以訓練手眼協調，又可俾Ambrose認顏色，呢隻動手嘅習作，真係幾好，媽咪都係第一次見到呢種workbook，所以一口氣買齊四本，自用又好，送人又好，超抵啦，圍番都係$12.5一本，已經包埋圓貼，抵抵抵呀！