Ambrose芭蕾舞試堂二

上次同Ambrose試左一堂芭蕾舞後嫌貴無報到，後尾去左文協見有幼兒芭蕾舞班，一個course八堂都只係三百幾蚊，超平呀！所以今日又同二表姐去左試堂！一去到就已經發現有好多小朋友，不過個個都係女仔，Ambrose就係班入面唯一一個男仔！唔知係咪姑姐同老師溝通上有錯漏，老師唔知我地要join呢班，而呢班望埋去都有十幾個小朋友，好大班咁，不過既然都到左除埋鞋，老師都照俾我地上堂。其實個芭蕾舞班係三歲至四歲，Ambrose當日都重未夠兩歲半，加上佢個樣又baby，雖然同二表姐差唔多高，老師都忍唔住問Ambrose夠三歲未！姑姐話佢爭少少，老師追問佢爭幾多時，姑姐竟然話一個月！！！就係咁，老師就放過左Ambrose，關上門正式上堂喇！

 

呢個班房嘅門係兩度木門，所以房門一關，其實係完全唔知入面上堂上成點嘅！不過爹爹怕Ambrose扭計要走，所以一直都無走開過，而媽咪就去左同姑姐食早餐！

 

放學喇，Ambrose仍然係開開心心！爹爹話上課中途聽見有小朋友喊左幾聲就停左，唔知係唔係Ambrose！問 左 老師，唔係佢，真叻仔！老師話一開始二表姐投入d，Ambrose慢熱d，之後Ambrose已經好好多，好肯跳喎！由於媽咪對於成班有咁多人一齊上堂有少少卻步，所以當日只示意爹爹交左果堂嘅錢先，返屋企再慢慢諗吓响唔响度學！

 

不過姑姐話原來老師已經同佢講，果班會有八個小朋友會升班，所以下堂應該會少番好多小朋友架喇喎！而姑姐同日已經決定俾二表姐响呢度學！