第一次當當網訂書

一直都知道當當網買書平，但本身媽咪都偶然淘吓書俾Ambrose，又會在online shop同香港書店買書，怕當當網買書煩，所以一直都覺得無需要同埋懶得去試。直至前排爹爹話有一本鐘錶書想買，媽咪响淘實搵過，好多都唔肯寄香港，一係就運費到付，媽咪試過一次到付俾左成一百蚊之後，以後都唔會再幫襯要到付嘅淘店。之後媽咪搵到一間肯寄香港又唔係到付嘅淘店，但本書只係二十幾蚊，運費已經三十幾蚊喇，好似好唔抵咁！突然間又俾媽咪醒起當當網，即管上去望一望有無爹爹本書啦，竟然係有嘅！

 

就係咁，為左買爹爹本書，媽咪第一次响當當網訂書！其實d書真係好平，運費雖然有minimum charge，不過都唔係貴，可能媽咪只選用普通郵遞啦，所以計埋爹爹書加五本Ambrose習作，運費只係二十七蚊，貨款加運費只係八十幾蚊咋，抵過响淘寶買啦！只不過，要成個月先送到黎，可能因為夾著過年放假嘅關係掛？！下次都可以考慮响呢度訂習作喇，一本都係幾蚊至十幾蚊，好抵！