之前媽咪買左pack有關顏色嘅貼紙，一式有幾張，買嘅時候其實都諗唔到用途，之後一直都擺埋左。早排執野時見到，加上發覺Ambrose其實好鍾意做功課，以致到媽咪呢陣子都不斷買workbook入貨，所以靈機一觸，諗到可以用呢張顏色貼子DIY做張顏色配對工作紙！之前做聖誕咭用淨左張黑畫紙，剛好用黎做呢張worksheet！
今晚攞左張worksheet出黎俾Ambrose做，佢都做得唔錯，只係白色同灰色因為貼紙印刷問題唔係好清楚至要媽咪提示，其他都可以自己搵到！連線concept因為做開學校功課所以唔使講已經識連喇！當然連線力度同埋直度都有待改進啦！最好笑係佢由顏色筆連線去公仔度時，往往都會俾自己隻手遮住d公仔，攪到佢好多次連連吓要縮開手去搵番個公仔出黎至連到，所以可能因為咁，有d線真係連到好迂迴，哈哈！
沒有留言:
張貼留言