塊面損左

尋日Ambrose放左學返屋企咩都無食就瞓左，估佢都係病架喇，之前果晚無端端唔食野唔出聲走入房瞓，問佢咩事又唔講， 連 老師都話Ambrose好似好攰咁，成個人靜哂！結果Ambrose瞓覺時開始發燒，起身量體溫已經去到39C，燒到面仔都紅哂，爹爹即刻同佢去睇醫生！爹爹話Ambrose照鏡見到自己面仔好紅，係咁話“我塊面損左”！聽落真係幾攪笑！哈哈！

 

爹爹話放學時已經問Ambrose係咪唔舒服，幾經辛苦，Ambrose只係答到pat pat唔舒服！爹爹唔多明白，係Ambrose起左身之後肚痾，一片都係，佢先明白pat pat唔舒服就係咁！

 

雖然Ambrose病左無哂精神無哂胃口好慘，但媽咪聽到佢咁講野又真係覺得佢好可愛，好攪笑呀！