沙田交通安全城

自從Ambrose識得踩單車之後，佢時時刻刻都話要去踩單車，都好嘅，有時陪佢落樓踩，起碼都唔使好似去公園咁爬上爬落睇實佢，又唔使抱佢，只係跟住佢行，舒服d嘅！

 

今日學完畫畫，食埋晏就返屋企，原本想Ambrose瞓陣至再出街，但佢知爹爹响屋企，媽咪又放假，即係有街去，佢係咁話去踩單車，結果，爹爹當然起身，應佢要求，起身梳洗，出發去沙田交通安全城！

 

Ambrose去到已經好興奮，可能因為果度有好多小朋友一齊踩單車，唔同平時得佢自己踩！不過爹爹媽咪覺得有少少尷尬，就係踩嘅地方都係模擬馬路，suppose都要教小朋友點睇馬路嘅線同方向踩，不過Ambrose都唔係好聽咁，好彩佢踩得唔遠，加上其他都係大小朋友，見佢錯方向都會避佢！同埋有時Ambrose搬單車上“駁”玩，反而我地要同佢講搬番落“馬路”踩，同平時我地同佢講唔可以响“馬路”踩有唔同，唔知會唔會confused左！

 

Ambrose真係好enjoy踩單車，即使佢今日反左車幾次，幾次都俾架單車“紮”住自己郁唔到，重要有一次撞到口角流哂血，似乎佢都唔在意，完全無影響心情，繼續踩過，反而兩個表姐都無咩心機踩，踩一陣就走左去，好彩呢度都有個細細嘅遊樂場，唔踩單車都可以去遊樂場玩吓！

 

值得一讚嘅係呢度個廁所，係兒童廁所黎架！啱哂小朋友高度，正！