Ambrose上畫班之二

因為上堂有小朋友去廁所，攪到成班一齊去廁所而令媽咪睇到真係有potential危險，所以今堂Ambrose上畫班，媽咪都迫於無奈繼續守响店舖前面，以防又一次全班人去廁所漏咁一個喇！

 

今堂畫樹熊，其實老師都教得ok，奈何Ambrose可能太細，佢聽老師話畫左個大圓形之後（其實畫到一個大橢圓形），佢唔識停手又不斷畫畫畫，攪到老師要叫佢開過一頁再畫過！不過再畫過都一樣，因為老師要handle好幾個小朋友，又要照顧班入面零零舍舍有兩個大嘅小朋友做輕黏土手工，所以到佢返轉頭去理畫畫嘅小朋友時，Ambrose又已經畫到個橢圓形花哂！呢個情況好多時都發生，因為idle時間長左少少，老師未能夠即時指點或控制番Ambrose，所以呢幅樹熊畫，真係．．．．．．．要用好多想像力！！！

 

最令媽咪有d激動嘅係，今堂又有水彩要畫，老師要小朋友用畫筆點左d水彩再點落幅畫度做樹葉！但老師又係要小朋友share用一個兜黎點水彩，而偏偏Ambrose隔離兩個同學仔就可以隔離share，好方便，但Ambrose就要同對面個大哥哥share！而呢個兜又係擺左落去大哥哥張檯度，Ambrose得個睇字無得點！大哥哥始終都係小朋友一名，邊會理你有無得點丫！佢重一手攞住個兜，一手揸畫筆係咁點，見到Ambrose枝畫筆已經畫唔到色佢都繼續畫又無人alert到，媽咪真係好想拍門行入去同老師講“有無攪錯？”！當然，Ambrose亦無跟老師講係用點嘅方式畫樹葉啦，佢都係一味油油油，又係無人理佢提點佢架！媽咪唔想老師involve太多去幫佢畫畫，但唔代表接受老師咩都睇唔到理唔到！

 

想同Ambrose轉畫班，不過可能其他畫班上堂都係咁，只係家長無得睇住咩都唔知，咁咪無咁激氣囉！但至少，一日响呢間同埋呢個時段學畫，得老師一個人嘅話，媽咪都要被迫做怪獸家長咁守响度，對於Ambrose對於媽咪都唔係一件好事咁！唉！好煩！