創意畫班@第三堂 (3y1m)

因為下星期會去澳門嘅關係，所以下星期嘅畫班同跳舞班都上唔到！好彩畫班可以調堂，如果唔係都幾赤吓！而家平日都有興趣班要上嘅Ambrose，原來要同佢搵日補堂都幾艱難，响唔想影響其他人嘅情況之下，媽咪決定改去今個星期日朝早上埋，即係尋日至上完，今日又要上！哈哈！

 

好彩Ambrose又無咩野，都係無反抗咁自己行入課室！

 

補堂可能補左落去人地班比賽班，所以其他小朋友都已經有幅畫畫吓，而Ambrose就由零開始！仲要佢零舍坐開左，又有一個老師一對一教佢畫，哈哈，都唔知係好事定壞事！一對一自然多關顧啦，但又怕個老師一對一無耐性等Ambrose自己畫而多左幫佢囉！不過都係一堂係咁，算吧！

 

呢幅畫都幾得意，除左有鴨仔，仲有一隻用黏土做成嘅鴨蛋痴左上去！都話呢間畫室真係幾有創意架啦！朋友仔早兩日畫同一幅畫，無鴨蛋，但有綠色紙撕條痴上去做水草！大家都係畫鴨仔，有少少野唔同左，出黎效果都唔同！