Ambrose上文協嘅芭蕾舞班已經有半年了，見佢對於芭蕾舞似乎並不抗拒，有時媽咪問佢畫班同跳舞揀，佢揀邊樣，好多時佢都話要跳舞，所以媽咪認定左Ambrose鍾意跳舞喇！
第一次學芭蕾舞時就話驚佢唔鍾意，所以就同佢報平平地嘅班上住先，半年下來，覺得佢無抗拒，加上朋友通知一直心儀嘅小演員班開始招募學生喇，媽咪又再蠢蠢欲動想幫Ambrose報名。但呢個小演員班其實只接受該校學生之報名，即係話，想報小演員，又得一併報埋呢度嘅芭蕾舞班！由於k1開學之後媽咪都準備要幫Ambrose報唔同嘅興趣班，所以都好驚時間上好密集，左右思量之，下，還是決定轉過去新校繼續學芭蕾舞啦，始終希望呢個課程會俾到Ambrose有多d表演機會，可以增強自信心！而且新學校環境一定比現在的好，亦都可以考取證書，長遠而言，轉係好過唔轉嘅！
趕在deadline前一日去報名，一次過報了芭蕾舞同小演員班，由於芭蕾舞係月費形式，今個月咁啱有五個星期六，所以負責人問媽咪今日開始學未？見時間都可以，雖然早上時間Ambrose才剛跳完一個鐘，媽咪相信佢應該可以應付！
點知去到學校門口，唔知係咪實在太多人，又嘈又混亂，Ambrose又眼瞓，再加上一d小朋友第一堂試堂唔肯入課室又大喊，搞到未試過返興趣班喊嘅Ambrose都破例大喊，俾糖佢食都收唔住！好彩爹爹嘅威嚴令到Ambrose收聲入課室咋！一陣之後老師出番黎話俾媽咪聽Ambrose無問題，仲玩得好開心！媽咪响門口“莊”入去，都見到Ambrose好開心咁扮緊花！
黎緊九月中打後，佢就要一星期上兩堂跳舞堂喇，希望佢鍾意响新學校學跳舞同埋學得開心啦！
沒有留言:
張貼留言