今堂整羊咩咩呀！Ambrose隻羊本來都唔錯，點知老師叫小朋友撕紙，話要餵草草俾羊咩咩食，結果，成幅畫都係深淺不一嘅綠色，羊腳都俾草遮住哂！仲要最後老師派左d貼紙俾小朋友叫佢地同隻羊扮靚靚喎，oh my god！媽咪真係唔多鍾意佢堂堂都派foam stickers俾小朋友貼落幅畫到，不倫不類咁！其實今日係咪可以用棉花球痴落個羊身上面呢？棉花球都唔係貴材料丫，比較貼題喎，而且又可以俾小朋友接觸唔同textures嘅野，真係唔明白點解次次都係foam stickers！
講真，呢隻羊，又係橫睇掂睇都唔明點會用一堂時間整，都算啦！果d撕紙貼上幅畫度，已經做過好多次喇，仲要次次都係綠色，真係好悶囉！唯一可以講嘅好處，就係Ambrose由最初完全唔識撕紙，媽咪又無同佢練習，到而家唔知係咪上畫班多左機會撕，佢終於都識撕喇！
唔經唔覺Ambrose响呢度上左半年塗鴉班，見佢近排對畫畫嘅熱愛，又咁啱呢間中心唔再經營，似乎連個天都都認為Ambrose係時候去其他畫班上堂喇！雖然直至中心結業果日為止，其實仲可以散報多兩堂塗鴉班，不過媽咪覺得都係算喇，始終都要轉，不如早d直接轉啦！
唔知Ambrose會唔會唔捨得呢度呢？
沒有留言:
張貼留言