進步 – 填色技巧 (3y)

Ambrose係就係好鍾意油顏色，但佢填色技巧都係一般。之前佢成日油出界，而且又油得唔密，好多白色孔，仲有就係明明本填色冊係要跟顏色油，佢又唔跟，自己鍾意攞咩色就油咩色，同一個公仔部份，又鍾意九唔搭八咁用幾隻色油，完全唔跟線！

2012年7月之填色 
 

2012年5月之填色

無理Ambrose一排，佢轉左去畫畫塗鴉多，再俾番本填色冊佢油番，赫然發覺佢填色技巧一大進步！最令媽咪驚訝嘅係佢可以跟足顏色去油，仲要油得好密，少左好多出界，真係好叻呀！

 

其中一幅係個女仔著裙一間一間唔同色，呢幅係最令爹爹媽咪好驚喜嘅，因為呢幅係爹爹媽咪完全唔得閒理Ambrose，佢自己埋頭苦幹油呀油，油完之後佢攞俾爹爹媽咪睇，一睇之下，真係唔可以唔誇讚Ambrose，剛滿三歲嘅人仔，油到咁靚，真係完全出乎意料之外！