免費畫班-第一堂 (3y)

幫Ambrose 報左個英文班，因為係暑期班嘅學生，有promotion送兩堂畫班！原本諗住Ambrose鍾意呢度，咁不如同佢報呢間學畫畫啦，點知佢嘅畫班要星期六四點半至有堂，時間唔太理想，所以都係放棄啦！有兩堂免費嘅堂，又不妨試試嘅！如果真係超好，都可以再考慮一下！

 

今日真係超忙，上午已經無啦啦上多左一堂跳舞，下午又有免費畫班上，成日無啦啦上左三節興趣班！哈哈！

 

今堂畫班一放學，就見Ambrose好開心攞住幅畫出黎，呢d表情，媽咪同佢上左咁耐興趣班都好少見到，呢間學校真係好有魔力！佢今日畫左一個橙同一件西瓜，佢一出黎就同媽咪講，西瓜媽咪食，橙俾爹爹食，嘩哈哈！呢張畫，都畫得幾靚！睇得出Ambrose都有能力自己畫到，唔多似老師畫完佢去油！見朋友仔幅幅都無後面果d打直線，媽咪諗，起碼唔係個個一樣丫！不過呢個畫法似乎上幾次响facebook都見係咁畫過，雖然Ambrose後期開學無上暑期班無畫過，不過媽咪見到略嫌有少少死板咁！

 

呢一堂已經可以決定到唔會報呢度嘅畫班喇！