Scholastic – I spy Eagle Eye

唔知點解而家去反斗城清貨區，好多時已搵唔到好野喇！唔知係咪開始多人留意到有呢個區域，所以而家次次去親都有好幾個人一齊睇一齊摷，同以前唔同左！加上，媽咪覺得以前嘅清貨區貨物，一定係原價嘅一半出售，真係平好多！而家就好多唔係半價，有時只係平果幾十蚊，但個盒就爛溶溶！試過一盒crayola kids paint一盒$59.9有六枝，但其中一枝唔見左放响清貨區賣，都要賣成五十蚊！以前總係會覺得入去睇清貨區有種尋寶的感覺，但而家好多時已經無喇！

 

今日晚飯後同Ambrose入反斗城閒逛，當然也會看看清貨區，今次終於尋到寶了！

 

呢盒Scholastic I spy Eagle Eye 其實之前已經响另一間反斗城見過但無買，今日响屋企附近呢間分店見到，原價$189.9，清貨價$95，真係平左一半，而且價錢唔過$100，媽咪通常對唔過$100嘅教具玩具唔會考慮太多，所以見價錢啱，而呢個遊戲又可訓練眼力，啱哂Ambrose，所以決定買！呢盒入面有個撳鐘，哈哈，媽咪諗住就算盒玩具未必多玩，個鐘都有用，最啱就係叫佢夠鐘瞓覺，夠鐘做呢樣果樣時用！同埋，可以用黎玩其他限時遊戲，計落都係抵！