小提琴

之前見團購有小樂器，有小提琴、結他和鼓，見全部都係幾十蚊，於是就去問Ambrose想要邊隻樂器，仲以為佢會揀鼓，點知佢一開始就話要小提琴，之後反口又話要結他，結果响媽咪引導性選擇之下，佢都係揀左小提琴！哈哈！

 

收到小提琴，先至發現其實都幾假吓！之前完全無睇個琴嘅specification，原來佢係可以入電發聲，即係電子產品啦！媽咪當然唔會入電，相信入左電所播嘅音樂一定又係果d嘈死人嘅燈籠音樂，所以完全唔可以俾Ambrose知原來個琴係可以入電有聲，最好方法係試都唔好試！點解話假，係因為個琴弓，其實只係一條白色象筋，都幾核突！不過Ambrose當然無理咁多，一樣投入地玩啦！

 

但Ambrose其實都知呢個小提琴係假，因為拉不出聲，佢都有叫媽咪買個真嘅俾佢！如果Ambrose有興趣，媽咪梗係開心啦，不過攞個真琴黎玩唔係幾好囉，所以都係由佢先，過多幾個月，睇佢仲係咪有興趣，索性俾佢去學小提琴！暫時見佢好鍾意枝弓，係因為佢成日當枝弓係magic wand，用黎變魔術！哈哈哈！