興趣班 - 畫班

因為上開塗鴉班嘅中心唔做，媽咪又要四出同Ambrose搵畫班喇！搵左一輪，其實都唔係幾理想，一係就無位，一係有位但感覺麻麻地！媽咪更有少少猶豫，究竟應唔應該停一停畫畫呢？反正Ambrose成日都話唔學，佢會唔會係鍾意自己畫，唔鍾意跟老師咁畫呢？

 

矛盾一輪，內心拉鋸一番，一方面又想俾Ambrose盡量試多d唔同嘅野而想放棄畫班，另一方面又覺得佢有興趣畫，又畫得ok，應該keep住畫畫！終於都係忍唔住同爹爹商量一下，爹爹話畫班唔可以停，就係咁，輕鬆解決左媽咪嘅煩惱！有時自己決定唔到嘅野，好可能只需要一句話，一句支持，所有煩惱都可以拋掉！

 

搵完又搵都搵唔到間啱心水嘅畫班，結果都係返去之前第一間畫班度報名。媽咪其實比較鍾意呢度比較似學畫畫，而且又較有創意，只係佢地點唔太好，加上當時上堂Ambrose又太細，中心又只得一個老師，媽咪成日要好似怪獸家長咁企响門口守候，太辛苦喇！見Idi話中心已搬去另一個較大舖位，而且好多時都係有兩位老師在中心。反正塗鴉班點都要完，咁不如又試番呢間啦，可能真係可以接受番呢？如果都係覺得唔得先至再搵過啦！

 

希望今次唔好再令媽咪失望啦，媽咪唔想又再周圍搵畫室度時間喇！