海賊戰隊 – 刀 (3y8m)

 

原本，媽咪一直都諗住等Ambrose普通話比賽完左之後，就送盒Iron Man Lego俾佢作獎勵，無論佢有無攞獎都好，都一定會送俾佢，始終係第一次個人比賽，爹爹媽咪都覺得要俾多少少鼓勵嘅！

 

點知，原來爹爹同佢講好左，比賽之後同佢去反斗城，俾佢任揀一樣玩具！本來，帶左Ambrose去Sogo諗住引導佢買Lego，但佢只係有興趣睇同不斷問呢樣果樣，到最後問佢買唔買就話唔要！

 

結果，Ambrose一見到戰隊產品就兩眼發光，係都要把刀！媽咪已經覺得家中又刀又槍又劍，實在太多喇，寧願佢買貴d嘅戰隊機械人仲好，於是提議佢不如買機械人啦！點講點氹點引佢都無用，真係仲慘過＂蟻＂佢買野咁，但話左任佢揀唔可以言而無信！最終都係買左戰隊刀！

 

又刀又槍在手，即時又上身喇！