媽咪知道有個繪畫比賽，本身上恆常班的畫室又似乎無推薦或舉行比賽班，巧合知道之前上特別班嘅老師可以再上特別班，上一堂畫起一幅畫並會幫忙代報名，實在太好，所以，媽咪見今日爹爹要返工，不如就約今日去畫畫啦！
Ambrose有得畫畫就好緊張，媽咪特登早d去到打算食埋野先去畫，點知佢心急到野都唔肯食，係咁催住問住幾時可以去畫畫。
今日Ambrose畫左隻長頸鹿。呢幅畫同平時畫室畫嘅有d唔同，畫室多數係用粉彩加水彩，呢幅係全廣告彩。可能色彩運用得較單調，所以初看呢幅畫時覺得有點寡，有點失望。但仔細看看長頸鹿的頭，都畫得幾細緻，亦不失可愛。
老師同媽咪講，Ambrose畫得ok，而且有要求。原來老師話佢畫完之後，老師幫佢用風筒吹乾顏色，點知可能長頸鹿身嘅顏色油得較多又未乾，當風筒風一吹，長頸鹿身嘅顏色就流左出去，Ambrose好著緊，然後老師安慰佢話唔緊要啦，再用綠色畫番草遮番住啦！
今次特別班，對Ambrose來說可以話係新體驗，平時畫開粉彩佢會比較易控制點畫，呢幅畫係全廣告彩，要揸畫筆畫哂全幅畫，好似難控制少少咁！唔知佢鍾意邊樣多d呢？
沒有留言:
張貼留言