今日一早起身同Ambrose返興趣班，爹爹諗起會所有母親子小禮物攞，於是就一家三口齊齊去左攞禮物。仲以為會係一枝花，點知係一盒兩粒白朱古力。呢個Ambrose實在太為食，明明都唔鍾意食朱古力，一聽到係食得嘅就話想食！媽咪話呢盒係母親節禮物，係媽咪架喎，呢個Ambrose真係醒到識講話媽咪有兩粒，要分享！就係咁，媽咪就同Ambrose一人一粒開黎食！其實媽咪都唔食朱古力，不過攞左又費時浪費！Ambrose食第一啖可能未食真，仲好興奮話好好食，再食多一啖，佢就話佢唔鍾意食，伸手俾番媽咪！媽咪都好想lur番出黎唔食，但又要教訓Ambrose揀左食就要食哂去，唔可以食一啖唔好食就唔食，於是，媽咪同Ambrose又齊齊吞左粒朱古力落肚！
會所原來有少少佈置俾人影相留念，呢個應該係第四個母親節了！
沒有留言:
張貼留言