Ambrose 的第三對芭蕾舞鞋(3y9m)

不知不覺，原來Ambrose 學芭蕾舞已經有十五個月了，雖然佢都唔會跳俾爹爹媽咪睇，但見佢返學放學總是笑咪咪的，知道佢應該幾enjoy跳舞，所以都任由佢繼續落去，當做吓運動。

 

當初學跳舞，媽咪親自同Ambrose買左對芭蕾舞鞋，果時只係size 8.5D，哈哈！仲記得果時第一次買時，個sale竟然俾左對size 10俾媽咪，一攞上手，超大對，唔使度都知唔會啱著！Ambrose轉左跳舞學校後，其實學校都有代訂芭蕾舞鞋，但媽咪都係堅持自己買，總係認為學校訂那對無自己買咁靚！

 

今晚，媽咪又要幫Ambrose買鞋了，呢對係佢嘅第三對芭蕾舞鞋，已經著到size10.5D了！之前果兩對，暫時都好好地珍藏住！睇住Ambrose 嘅鞋仔，先至發覺佢一日一日咁在長大喇，時間真係過得好快！唔知Ambrose會學幾耐芭蕾舞，會換幾多對芭蕾舞鞋呢？