攞左Ambrose之前上畫班畫嘅一幅長頸鹿畫出黎，叫Ambrose畫番一次俾媽咪睇！第一幅太求其，用水彩直接畫，佢又無預位，搞到四隻腳其中兩隻痴埋左，佢仲用藍色水彩畫番，諗住分隔開對腳，但出黎效果幾怪吓！個頭又唔多夠位畫，畫到好細！大概係平時多用crayons、水筆或粉筆畫，控制得好少少，一用畫筆畫，就唔多識就番枝筆有幾粗咁！
咁嘅情形媽咪都唔識教，只係叫Ambrose不如用粉彩再畫過啦，佢又話好！再畫都係痴埋左兩隻腳，但今次佢自己識話唔緊要啦，一面話畫番條邊俾佢，一面就一手攞起枝黑色粉彩畫番條邊，咁就見番四隻腳喇！不過畫頭頸時Ambrose可能之前係用水彩學，所以係長方形加個橢圓形咁畫，無問題，但今次用左粉彩畫，佢仲攞左枝黑色，搞到頭頸連接位有條黑線，媽咪盡力抹都仲有印！
沒有留言:
張貼留言