Ambrose細細個開始，媽咪已經將顏色筆放在佢檯面上，任由佢幾時想畫畫塗鴉，都可隨時有顏色筆去畫。以前用個筆袋仔就入哂crayons，但後來發覺crayons有d色無，又同Ambrose添多pack crayons；再之後做手工又有水筆包埋，Ambrose開始接觸水筆，又發覺唔夠顏色畫，媽咪又要走去買pack多色水筆俾佢，所以買吓買吓，變到好多顏色筆。雖然係咁，但其實Ambrose真係有用咁多顏色畫畫，加上crayons同水筆真係好耐用，一路買都無試過用完要掉，所以就越整越多！再加上K1要寫字之後，再要添鉛筆、間尺同擦膠，一個小膠櫃再加筆袋都唔夠擺佢嘅文具，搞到擺到亂七八糟！
仲有就係之前發現Ambrose用較剪退步了，媽咪總覺得d野放出黎俾佢自由咁用，佢係會用得叻d，所以都想放埋把較剪出黎俾佢平時自由運用同練習。咁多文具，一個小膠櫃已經唔夠用，媽咪決定同Ambrose upgrade佢嘅文具櫃，所以趁放假走去買左個加大文具櫃，入哂Ambrose嘅文具同顏色，整整齊齊，方便佢用！
沒有留言:
張貼留言