上星期去左旅行，畫班又要補堂了！四月份好忙，去旅行又無左幾日，所以迫不得已，畫班補堂補响今日，畫完畫，又要趕去跳舞，好彩兩堂都係純興趣班，唔係academic，感覺Ambrose應該鍾意多過覺得辛苦嘅！
今堂畫室老師又唔同左，爹爹話係呀sir，但唔知叫咩sir，哈哈！畫嘅係呢期好hit嘅鴨仔！爹爹話，當佢見到幅畫時覺得幾靚，循例問吓係咪Ambrose自己畫，點知老師話係呀，佢跟住d線自己畫架！媽咪聽到轉述，真係覺得奇怪！即是其實係老師起左稿，Ambrose至跟線從新畫過出黎？咁唔係仲衰過抄畫咩？同埋之前Miss Chan話佢地細其實唔prefer起稿架麻！定係老師其實意思係指，佢示範畫線條，然後Ambrose跟住佢在自己畫紙上畫線呢？最衰爹爹當下無問清楚啦，真係好想知道究竟係咪有起稿照抄嘅一回事！但望落又唔覺得有鉛筆痕，因為如果真係跟線畫，以Ambrose寫字大大力，一定會畫到好深痕，同埋一定跟唔直d線架麻，照計顏色應該遮唔到呢d！真係耐人尋味！
另外，老師本來教Ambrose畫拖船拖住隻鴨，點知Ambrose畫船當然勁熟啦，手起筆落畫完，仲要畫埋煙，叫都叫唔切！原來老師話以船拖鴨嘅情況下，d煙嘅方向應該掉番轉，但Ambrose已經畫左落去，改唔番喇！
沒有留言:
張貼留言