2013年9月30日 星期一

Lego Friends 41007 (4y1m)


今日嘅清貨區竟然仲見到有兩盒Friends系列Lego！

閱讀更多 »
張貼者： 於 沒有留言:
標籤：

Lego Galaxy Squad 70707 (4y1m)


今日又响反斗城買到好野！竟然見到清貨區有Lego賣！

閱讀更多 »
張貼者： 於 沒有留言:
標籤：

Home Art Jamming @蟹、車、魚 (4y1m)



今日好搞笑，媽咪一放工返到屋企，Ambrose突然煞有介事咁走入大房，然後好興奮咁指住個衣櫃門，話有d特別野，叫媽咪睇吓！媽咪尾隨入內，又真係見到有d特別野，佢將平時收在後面嘅倘門推左出來，上面貼左一幅畫。幅畫上面有三隻蟹，有車車，再下面又有d魚游水。雖然望落唔知有咩關係，但媽咪覺得佢畫得好得意呀！原來佢話嘅特別野，就係佢自己畫嘅畫，Ambrose真係又可笑又可愛，哈哈！
張貼者： 於 沒有留言:
標籤：

2013年9月29日 星期日

近日至愛 – Iron Man An Origin Story (4y1m)


爹爹除了買左本Batman Lego書，其實仲買左本Iron Man書俾Ambrose。不過，雖然呢本書唔係真係勁多字，但字細，頁數不少，呢本書相對Batman Lego書就長好多，而已有d字媽咪一望埋去都唔多識讀，哈哈，所以暫時都係要收埋先，費時講得完個故事加埋佢中間不斷問呢樣果樣，分分鐘成個鐘都未瞓得；而且，至少要等媽咪查下字典先至可以同佢讀到了！
張貼者： 於 沒有留言:
標籤：

近日至愛 – Super Heroes Ready for Action (4y1m)


早排，爹爹在機場的Relay買左本Batman Lego書俾Ambrose。集合左兩大至愛在一書中，
Ambrose梗係超級鍾意啦！其實入面唔係故事書，只係介紹下人物，Batman嘅車、飛機、洞穴等等，完全無故事性，但佢都睇得津津有味，晚晚故事時間，都一定要講呢本書！

閱讀更多 »
張貼者： 於 沒有留言:
標籤：

2013年9月28日 星期六

轉讓：Cutting & Tracing @Teacher Created Resources

呢本workbook主要做Cutting / Tracing / Pasting (內頁請看下圖)！書size細過A4，又大過A5，頁數64頁，但因為要剪貼，所以單頁有圖，轉讓價$23，有興趣請留言。
閱讀更多 »
張貼者： 於 沒有留言:
標籤：

2013年9月27日 星期五

星星老師@第十二堂(4y1m)


今堂做黏土Angry Bird，都幾得意！Ambrose話Angry Bird身體係紙巾黎架喎，哈哈！老師話Ambrose好有心機整，仲整得好快，自己一手搞掂，好叻！

閱讀更多 »
張貼者： 於 沒有留言:
標籤：

2013年9月26日 星期四

歇斯底里的驚恐 @ 英文班part 3(4y1m)

Ambrose嘅英文學習進度好慢，媽咪真係唔知點教佢，亦都唔知邊度嘅英文班好，可以俾佢試吓！最大問題係，佢都已經K2喇，黎緊嘅暑假已經開始要見小學，真係無咩時間再試！

媽咪留意到區內一間中心有英詩朗誦班上，見Ambrose普通話方面都試過考試比賽，英文就毫無進展，以前曾經target過五歲就考Cambridge，但見Ambrose進度，除非佢突然有一日突飛猛進，唔係都應該應付不了呢個試。所以，媽咪就諗，read and write唔得，至少oral and listening都要加強訓練一番以應付之後小學面試吧！俾Ambrose睇過咩係英詩朗誦，佢話ok，所以決定俾佢上吓！而另外，間中心亦有做promotion，外藉老師單對單教授，鐘數越多就越平，媽咪真係唔知邊間中心上至夾到Ambrose，見呢度單對單如多鐘數一次過買的話價錢尚可接受到，內容亦可根據媽咪要求制定，媽咪覺得可能可以好似普通話咁，針對性上堂，對Ambrose黎講會好d！於是，為左慳時間出去上堂，媽咪安排了英詩朗誦同埋單對單直落咁上，一共兩小時！

一直以來，Ambrose上興趣班都無咩大問題，只係轉跳舞學校時曾扭計唔肯入過一陣子，媽咪歸咎於當時Ambrose太細，只係三歲，就要佢由上開嘅一間跳舞學校轉過另一間，所以一時未習慣。自此之後，上興趣班就甚少遇到問題，爹爹媽咪一直都為Ambrose呢方面嘅乖巧而欣慰不已。是以，當媽咪安排新嘅英文班俾Ambrose時，亦沒有太多顧慮。

點知，Ambrose學英文之路真係一波幾折！

閱讀更多 »
張貼者： 於 沒有留言:
標籤：

唔知做咩 @ 英文班part 2 (4y)

無上之前嘅英文班，媽咪幫Ambrose報左個Phonics班。本來中心要評估完再度過個時間，話俾差不多level嘅學生同班，但上左一堂後發現，原來中心有竹昇妹／仔，或外籍人士樣嘅英文老師，於是，爹爹話要學，咁就上外籍人士啦，俾 Ambrose對多d紅鬚綠眼嘅人，反正學校不嬲都有，佢都無問題，唔爭在呢度都對吓喎！所以就同Ambrose轉左時間，由本來女嘅竹昇妹轉左個男嘅外籍老師，都唔覺轉時間有難度，唔知究竟有無真係夾過小朋友level！

上左幾堂，次次問親Ambrose學左咩，佢都話唔知呀，唔記得呀，一係一放學即問佢學左嘅sound，佢都可以答錯，真係俾佢激死！問佢老師有無講故事，佢又話無，問佢响入面做咩，佢竟然話玩！而事實上，之前媽咪真係响門外聽到收拾積木嘅聲！

閱讀更多 »
張貼者： 於 沒有留言:
標籤：

虛耗時間 @ 英文班part 1(3y10m)

Ambrose嘅學術方面一直都麻麻地，唔知係咪記性唔好，所以認字能力都差！由於一早已感覺到佢係一個Slow Learner，媽咪於K1時已安排左英文班俾佢上，諗住由細細個俾佢慢慢浸下，幫補下佢課堂唔吸收嘅問題！因為細個，所以對英文班無咩特別要求，仲同埋兩個朋友仔一齊上諗住開心d輕鬆d。由於係平日上，媽咪甚少接送上堂，所以一直都無咩點理上堂教左咩，學左咩，放左學更加係無理，亦唔會同佢溫書，諗住輕鬆學習！

如是者，上左約八個月之後，Ambrose有一朝早第一次向媽咪講話唔想上英文班，媽咪當時以為佢想去玩唔願返學，所以都係氹吓哄吓佢就算，不了了之！一、兩個月後，Ambrose又再向媽咪提起唔想上英文班，媽咪問佢點解，佢就答話老師好惡，話老師成日鬧人，但再問佢老師有無鬧佢同鬧d咩野嘅時候，佢又話唔係鬧佢。同爹爹商量完，覺得既然Ambrose唔係第一次咁講，佢必定suffer緊某d野，所以至令佢再三提出要求，如果做父母都唔去幫佢，真係會好無助。

閱讀更多 »
張貼者： 於 沒有留言:
標籤：

2013年9月25日 星期三

Ambrose的焦慮@交通安全隊(4y1m)

對於Ambrose被選入交通安全隊，爹爹媽咪本以為係一件開心事，因為見交安要步操，覺得Ambrose鍾意操兵，加上有制服著，佢一定認為好有型，所以佢一定鍾意。其實報交安前爹爹媽咪係無問過Ambrose，因為真係覺得好啱佢，同埋一直以黎，除左學小提琴係Ambrose自己提出之外，其他嘅興趣班都係爹爹媽咪安排俾佢，一直以來都相安無事！

點知，唔明點解，諗住一個唔會出事嘅興趣班竟然可以出事！

閱讀更多 »
張貼者： 於 沒有留言:
標籤：

2013年9月24日 星期二

怪獸家長(4y1m)


趁住爹爹放假同埋今日Ambrose無興趣班要上，爹爹去左接Ambrose放學，食埋lunch，直接帶Ambrose去廸士尼玩返轉！據爹爹講，今日廸士尼無人，好多野都唔使排隊，佢地係咁狂玩，真係前所未有咁開心呀！

閱讀更多 »
張貼者： 於 沒有留言:
標籤：

2013年9月21日 星期六

Home Art Jamming @老師and Ambrose (4y1m)


尋晚老師來探訪Ambrose，Ambrose不知幾開心！老師知佢鍾意畫畫，所以叫Ambrose畫幅老師像俾佢，點知呢個Ambrose唔合作，畫左其他野！
 
為左應老師要求，媽咪都有嘗試叫Ambrose畫老師，但佢都笑笑口話遲d先！媽咪突然諗起之前買左本Creat a Face嘅畫紙，入面係每張都有一塊肉色面，俾小朋友任意創作人樣。於是媽咪即時摷出黎俾Ambrose，佢見到有新野，即時好興奮，仲好合作咁畫老師出黎！

閱讀更多 »
張貼者： 於 沒有留言:
標籤：

2013年9月20日 星期五

Home Art Jamming @幪面超人 (4y1m)


今晚Ambrose突然話要畫幪面超人，之後見佢坐埋檯邊，口唸唸話點畫呢，然後又好快地手起筆落畫畫畫，畫左一陣之後，佢就攞左呢幅超人打怪獸嘅畫黎俾爹爹媽咪欣賞！雖然唔係畫得好似，但一向鍾意海賊戰隊嘅Ambrose憑空就咁畫幪面超人，爹爹媽咪已經覺得佢畫得好靚了！

好肯定Ambrose好鍾意呢幅畫，見佢笑瞇瞇咁，仲即時要貼响佢間屋嘅門上面喎！
張貼者： 於 沒有留言:
標籤：

Ambrose的獨立屋 (4y)


上星期，家中嘅雪櫃突然壞左，由於都唔係第一次壞，再整不如買過部，所以上星期漏夜出去買，第二朝即送貨，真係快到唔信！送貨工人叫媽咪唔好掉個盒，試真d部雪櫃先去掉喎！
 
就係咁，一大個紙箱棟左响屋企！爹爹忽發奇想，話要整間屋俾Ambrose！於是爹爹叫左Ambrose去度吓位，同佢開左度門，開左兩邊窗俾佢，仲有門窗上都有個細孔，剛好夠Ambrose嘅手指篤入去方便開關！
 
開哂門窗之後，其實咩都無，Ambrose已經極度讚嘆：「好靚呀！」
閱讀更多 »
張貼者： 於 2 則留言:
標籤：

轉讓：模擬試題操練＠GAPSK幼稚園普通話水平考試K1組 (已轉讓)


書入面有隻CD，可播普通話問題，Ambrose備試時，就係媽咪播俾佢聽，自己做題目同對話，所以媽咪嘅普通話即使係好普通，都可以同佢練到！哈哈！
閱讀更多 »
張貼者： 於 沒有留言:
標籤：

2013年9月19日 星期四

初試Lego Mosaic (4y)


尋晚摷左盒Lego Mosaic比Ambrose試玩，本來以為佢會揀整恐龍，點知佢竟然話要砌屋！
閱讀更多 »
張貼者： 於 2 則留言:
標籤：

Home Art Jamming @立立雜雜(4y)


 
之前普通話老師送左本字條薄仔俾Ambrose，佢當寶咁出街都話要袋住去，仲成日一坐低就攞出黎畫公仔，真係服左佢，咁細張紙都畫到！畫完送俾爹爹媽咪，之後就不了了之。媽咪閒來無事執吓手袋，發現番幾張畫作，忍唔住又記錄下。

果張毛毛同單眼仔，媽咪記得佢畫時好鬼快手，畫單眼仔時仲估佢唔到竟然將手畫到舉起，都幾可愛！隔離果張係雞雞，但Ambrose話係女仔黎，所以畫左蝴蝶結俾佢地，仲有下面嘅車仔如城堡，真係天馬行空。下一行嘅嘅肥蝴蝶蜜蜂，真係似足Ambrose，嘩哈哈！仲有另外一張响屋企執到嘅人面，其實都好有創意，塊面勁方，係Ambrose自己剪出黎，畫上眼口，再同佢剪左d頭髮，呢個整法唔知邊個教佢，執到呢塊人面時，真係好surprised！
張貼者： 於 沒有留言:
標籤：

轉讓：Counting 1 to 20 @ First Time Learning (已轉讓)


呢本workbook係20以內嘅counting (內頁請看下圖)！轉讓價$20，有興趣請留言。
閱讀更多 »
張貼者： 於 沒有留言:
標籤：

轉讓：Getting Ready for School @Teacher Created Resources


呢本workbook樣樣都有d，如tracing / maze / color / sequence / alphabet 等等(內頁請看下圖)！書size細過A4，又大過A5，頁數64頁，轉讓價$23，有興趣請留言。

閱讀更多 »
張貼者： 於 沒有留言:
標籤：

轉讓：Preschool Fun @Teacher Created Resources


呢本workbook樣樣都有d，如counting／pattern／maze／drawing／alphabet等等(內頁請看下圖)！書size細過A4，又大過A5，頁數64頁，轉讓價$23，有興趣請留言。
閱讀更多 »
張貼者： 於 沒有留言:
標籤：

2013年9月18日 星期三

轉讓：Start to Count @Mr. Men (已轉讓)


Ambrose好鍾意做媽咪俾嘅功課，如果俾佢做，佢係可以做好多頁至肯停，分分鐘一次做哂一本都得，所以媽咪之前買左好多workbooks俾Ambrose。但原來發覺媽咪真係太懶，唔係成日同佢做功課，又或者有時間又同佢做左手工、砌Lego出街或做其他野。
閱讀更多 »
張貼者： 於 2 則留言:
標籤：

轉讓：Let’s Cut Paper@Kumon


之前買左好多本Kumon Workbook俾Ambrose做，主要係油顏色，貼紙同剪紙。油顏色同貼紙佢都好有興趣做，所以好易KO一本。又或者果時仲係細掛，食完飯無野做就同Ambrose做呢d，佢又應付到，所以，俾咩佢就做咩！但到剪紙書，可能之前媽咪見佢好似未係好得，一直都放埋左一邊無俾佢做，主力做油顏色同搽膠水貼野，到覺得佢應該可以應付嘅時候，發現佢又唔多鍾意跟圖剪，自己有自己剪，所以家中嘅剪線條書，似乎又無咩機會用喇！ 
閱讀更多 »
張貼者： 於 沒有留言:
標籤：

最優異成績獎＠第六屆GAPSK幼稚園普通話水平考試 （4y）

 
Ambrose於七月考嘅普通話試，竟然除了得到卓越級別之外，更係全港考生頭十名之內，爹爹媽咪深感意外。之前考試機構通知會有頒獎禮後，突然又無哂消息，致電再查詢時又話唔會搞任何野亦都唔會出written通知，之前打黎係俾家長＂得個知＂字喎！ 
 
同普通話老師商量完，佢都叫媽咪再問多一次，但爹爹去攞證書時已再三問過，都係叫爹爹打去考試機構再問，所以，當晚媽咪寄了封電郵去考試機構再三確認。但，發出電郵後，一直都沒收到任何回覆作確認及跟進，事件因此不了了之。
 
直至上星期某日，爹爹突然又收到考試機構職員來電，又話會搞個好小型嘅頒獎禮，當然，爹爹欣然答應了！日期為九月十八日下午，由於係平日，媽咪要請半天假！奇怪地，雖然已經定了頒獎典禮，但媽咪發出的電郵，一直都沒有得到任何回覆！Anyway，既然已有所安排，媽咪亦沒有深究！
閱讀更多 »
張貼者： 於 沒有留言:
標籤：

2013年9月14日 星期六

轉讓：我自己會讀 – 紅輯 (已轉讓)


兩年前書展時買左呢套「我自己會讀 – 紅輯」俾Ambrose，不過又係買完好少睇！然後原來學校都用呢套書混色教，所以家中已經有好多「我自己會讀 」嘅書，呢套咁齊全嘅紅輯，決定轉讓，99%新，全套共十二本書，一隻CD及一本練習本，轉讓價$150，有興趣請留言。 

Quoted from青田教育中心：

《我自己會讀》叢書是用全語文方法編寫的圖畫故事書。透過重複句式、圖畫和成人的提問，幼童邊讀、邊猜測故事的發展和結局，培養觀察力、聯想力和猜測能力等閲讀技巧；玩認字卡遊戲，可鞏固認讀生字，和仿作句子的能力；練習本中不同的練習，將字詞放在不同的語境中，有助鞏固字詞，累積語文知識；透過光碟，幼童直接多聽目標語，更能自然有效地習得該語言。只需約兩年的時間，小讀者完成了本叢書的96個故事，認讀了840多個生字，1600多個字詞，就可以提早兩年，自行閲讀附插圖的文字書，享受到能自行閲讀的成就感和樂趣。《紅輯》生字共171個。
張貼者： 於 沒有留言:
標籤：

2013年9月13日 星期五

星星老師@第十一堂(4y)

暑假嘅關係，好似停左好耐都無上畫班咁！今堂Ambrose畫大廈，媽咪見到時已經覺得有d特別，又講唔出係咩！後來老師同媽咪講，d大廈其實係用間尺點上顏料在畫紙上掃落去嘅，大廈上果枝針，係用間尺邊印上去嘅，佢話Ambrose覺得好新奇好得意好好玩！老師呢個解說，令媽咪突然明白，之前覺得嘅特別，就係點解幢幢樓都畫到咁直同埋差唔多濶，好似好工整咁！不過，個月亮，似乎大左d囉！哈哈！
 
好鍾意背景嘅顏色，藍得黎有點黑有點紫，問過老師點油個底色，佢只係話用唔同顏色油，先油底至掃間尺，至於點可以有好似好自然唔同色又無一撻撻嘅效果，佢無講到！唔識畫畫嘅媽咪，真係好有興趣知道點畫呢！
張貼者： 於 沒有留言:
標籤：

2013年9月9日 星期一

Crayola Model Magic Presto Dots – Design a Race with Spinning Wheels (4y)


 好耐都無同Ambrose做手工喇！媽咪真係有d內疚，有時候真係控制唔到自己對佢嘅嚴苛！Study hard真係要Play hard，但點去平衡，真係好難拿捏！ 

今日早完興趣班，晚上時間較充裕，所以特地攞左好耐之前買落嘅Crayola Model Magic Presto Dots 出黎俾Ambrose玩！佢見到真係好開心、好興奮！
閱讀更多 »
張貼者： 於 沒有留言:
標籤：

2013年9月5日 星期四

K2學校生日會 (4y)

之前Ambrose的學校生日會，除左蛋糕之外，都無同佢預備其他野！第一年N班一開學就搞生日會，媽咪都無咩經驗，完全唔知發生咩事；第二年就有為Ambrose準備蛋糕！

閱讀更多 »
張貼者： 於 14 則留言:
標籤：

2013年9月4日 星期三

KPCC幼兒普通話水平測試-初級 (4y)


睇吓佢考完試個樣仲咁呆，真係一額汗！
 

六月份的時候，除了為Ambrose報了GAPSK考試外，同時又為佢報了KPCC幼兒普通話水平測試-初級試。報的時侯沒想太多，老師話KPCC考試比GAPSK考試易，因為KPCC考試只係背書多，所以當時爹爹就報哂兩個，當係迫自己有個目標同Ambrose溫書，又或者當係俾佢練膽都好，反正，之後都仲要再考高級少少嘅試！
閱讀更多 »
張貼者： 於 3 則留言:
標籤：

亞軍@第三屆卓傑盃全港兒童書畫大賽（4y）


六月份，媽咪攞左Ambrose 嘅一幅舊作參加左「第三屆卓傑盃全港兒童書畫大賽」。媽咪報名，好大原因係見到個比賽如得冠亞季軍，係會有獎盃及證書。之前Ambrose一直都好想再攞獎盃，但奈何前兩次朗誦比賽都係獎牌，佢為左攞唔到盃都失落左一排；而畫畫比賽又一只有證書，所以見到個比賽有機會有獎盃，所以媽咪至會一試！
 
七月份，成績公佈！幸運地，Ambrose作品順利取得亞軍，媽咪好開心咁話俾Ambrose知，佢嘅畫作得到第二名，之後會有個獎盃攞，佢聽見當然好開心啦！
 
八月尾，可以去攞獎了，爹爹同媽咪就啱時間，今日就同Ambrose去攞獎！點知，
閱讀更多 »
張貼者： 於 2 則留言:
標籤：

2013年9月3日 星期二

搬Blog了~

又要搬blog了，又要從新適應過！

新blog會搬去blogspot，見好似都好多人搬去呢度，其實都未研究有咩好，但既然多人搬去，咁對於電腦白痴嘅我都係好事，至少有d咩唔知點整，都有多d人可以問吓麻！

新blog暫時只放9月後的blog文，之前果d，都要搵d時間研究點過番哂過去！

我嘅新blog網址：http://viennawah1029.blogspot.hk/



張貼者： 於 1 則留言:
標籤：

2013年9月2日 星期一

收到成績＠GAPSK幼稚園（k1）普通話水平考試 （4y）


7月28日考完試後，要等成五星期，即9月2日至可以到中心拿取證書。等待嘅時間真係幾漫長！

8月12日，爹爹突然收到GAPSK職員來電通知，Ambrose於今期考試中取得優秀獎。爹爹只係負責報名考試，其實佢對考試內容唔係太清楚，只知道最高分應該係「卓越」，下一級佢只係記得係「優Ｘ」，當爹爹聽到職員話Ambrose取得「優秀」，而並非「卓越」，佢好疑惑點解機構會搵人專程打電話通知，又唔係好成績，又並未到發放成績嘅日子！當爹爹再同職員溝通時，
閱讀更多 »
張貼者： 於 沒有留言:
標籤：

當日情況＠GAPSK幼稚園（k1）普通話水平考試 （3y11m）


為左趕及考GAPSK幼稚園（k1）普通話水平考試，Ambrose要在短短個半月內準備，真係有 d趕！可幸嘅係，幼稚園有教普通話，Ambrose並唔係由零開始讀起嘅，見綱要內字庫有部份Ambrose已學過，有d未學過嘅就响考期前兩星期惡補一番，吸收到幾多，同埋應試嘅技巧，真係唔到媽咪控制！
 
7月28日，晨早九點去到考試場地，同一個時段都有好多小朋友，大家都响lift lobby等入去考，地方又好狹窄，有d焗！等左一輪，終於夠鐘，小朋友排隊自己入去，
閱讀更多 »
張貼者： 於 沒有留言:
標籤：
訂閱： 文章 (Atom)