見到有盒大大盒的動物主題Duplo，好吸引！以前一直都好想買動物系列俾Ambrose，但一直都唔見有，到見到有嘅時侯，Ambrose已經有好多Duplo Lego，淨係blocks同人仔都已經一大箱，d大大架嘅車又要裝入另一個箱度，所以唔敢再買！而家嘅Ambrose雖然平時自己都會坐响度玩Duplo Lego，但佢開始砌普通size嘅Lego已有一段時間喇，基本上如果係四歲以上嘅普通Lego，佢已經可以自行睇說明書砌，而歲數大d果d，都可以在爹爹指點下完成大部份。所以，媽咪現在只會買普通Lego，呢盒動物Duplo Lego同媽咪都係有緣無份的了！
今日嘅清貨區內都有好幾盒普通Lego，大盒嘅有哈比人同monster系列，真係麻麻地，主要係砌個場景出黎，好似好「散修修」咁，砌完都只可以睇多過攞起黎玩！見到呢盒Galaxy Squad 70707，雖然媽咪唔多知個主題係來自卡通定戲，但見係機械人打仗，知道Ambrose一定會鍾意，所以買左呢盒。
其實平就唔係平左好多，以前嘅清貨區普通玩具好多時都有半價，Lego唔會半價，但都有七折咁上下，而家已經無咁平了！不過對於Lego唔會點減價黎講，今次以八折嘅價錢買到，仲要成盒野都係全新無爛，真係算幾抵了！
沒有留言:
張貼留言