今日同Ambrose 去飲茶，等緊野食無野做，最好嘅節目就係俾紙同筆俾Ambrose畫畫。記得對上一次寫blog關於飲茶畫公仔，已經係半年前的事了！當時Ambrose只係畫左張床同爹爹媽咪。今次，佢畫到成張紙都滿哂，雖然有d都畫得唔似，有d都唔知佢畫咩，但發覺Ambrose識畫嘅野多左！最好笑係左手邊太陽下有個好似d同b合埋一齊嘅圖案，以為Ambrose亂畫無意思嘅野，點知佢好認真咁話係眼鏡，哈哈哈！眼鏡柄畫左入去了！本來畫左一隻單眼仔，之後又畫多一隻，自己睇吓睇吓，發覺有兩隻單眼仔，就格硬將其中一隻畫多隻眼，話係毛毛喎，真係俾佢笑死！仲有上面幾個人仔，每個嘅髮型都唔同，都唔知佢幾時識得自己咁畫嘅！
沒有留言:
張貼留言