當日情況＠GAPSK幼稚園（k1）普通話水平考試 （3y11m）

為左趕及考GAPSK幼稚園（k1）普通話水平考試，Ambrose要在短短個半月內準備，真係有 d趕！可幸嘅係，幼稚園有教普通話，Ambrose並唔係由零開始讀起嘅，見綱要內字庫有部份Ambrose已學過，有d未學過嘅就响考期前兩星期惡補一番，吸收到幾多，同埋應試嘅技巧，真係唔到媽咪控制！

 

7月28日，晨早九點去到考試場地，同一個時段都有好多小朋友，大家都响lift lobby等入去考，地方又好狹窄，有d焗！等左一輪，終於夠鐘，小朋友排隊自己入去，
家長要响出面等，係完全睇唔到試場嘅！

 

不得不讚Ambrose好叻，媽咪其實都知佢有d緊張，但佢一知可以入去，又第一個走左去排隊，第一個行入去，仲要頭也不回咁入去，bye bye都無同爹爹媽咪講。有時候，真係好佩服佢！其實，佢入去考試，媽咪總覺得就似大人去見工咁，心情真係好忐忑不安，好緊張，但佢都可以安然面對，仲叻過媽咪！

 

Ambrose入左去之後，爹爹媽咪無野做，落左樓响附近行吓，不過附近都無野好行，無所事事！最終都係返上樓等！見到已經有人接走小朋友，即係陸續都考完，聽見大人問小朋友入去做咩，小朋友話入面有玩具玩喎，聽落有d神奇，點解會有玩具玩呢？Ambrose一直都未出黎，媽咪真係擔心佢等咁耐都未考得，真係考嘅時候會唔會無耐性，表現更差呢？！

 

到下一組考試嘅小朋友開始進場，門打開左，咁啱就見Ambrose由一間房出黎被帶去另一間房度，相信佢就响呢個時候至開始去考試，原本間房，應該係等候室吧，應該就响呢間房等待期間有玩具玩吧！即係話，Ambrose足足响入面等左一個鐘，仲未計早到試場等入去都等左差不多半個鐘，真係難為了Ambrose！

 

就响見到Ambrose過房後唔夠十五分鐘，佢終於都考完出黎喇！媽咪落左樓後嘗試問佢究竟考左d咩？佢竟然答媽咪唔記得哂喇喎！有無搞錯！再問佢識唔識，佢又話識哂，都唔知有無敷衍媽咪！但再問佢考試好唔好玩，Ambrose話好好玩，哈哈！