Home Art Jamming @立立雜雜(4y)

 

之前普通話老師送左本字條薄仔俾Ambrose，佢當寶咁出街都話要袋住去，仲成日一坐低就攞出黎畫公仔，真係服左佢，咁細張紙都畫到！畫完送俾爹爹媽咪，之後就不了了之。媽咪閒來無事執吓手袋，發現番幾張畫作，忍唔住又記錄下。

果張毛毛同單眼仔，媽咪記得佢畫時好鬼快手，畫單眼仔時仲估佢唔到竟然將手畫到舉起，都幾可愛！隔離果張係雞雞，但Ambrose話係女仔黎，所以畫左蝴蝶結俾佢地，仲有下面嘅車仔如城堡，真係天馬行空。下一行嘅嘅肥蝴蝶蜜蜂，真係似足Ambrose，嘩哈哈！仲有另外一張响屋企執到嘅人面，其實都好有創意，塊面勁方，係Ambrose自己剪出黎，畫上眼口，再同佢剪左d頭髮，呢個整法唔知邊個教佢，執到呢塊人面時，真係好surprised！