為左應老師要求，媽咪都有嘗試叫Ambrose畫老師，但佢都笑笑口話遲d先！媽咪突然諗起之前買左本Creat a Face嘅畫紙，入面係每張都有一塊肉色面，俾小朋友任意創作人樣。於是媽咪即時摷出黎俾Ambrose，佢見到有新野，即時好興奮，仲好合作咁畫老師出黎！
不過老師頭上個皇冠，本來係三個尖尖，佢係咁加吓加吓，搞到好似牛角咁！仲有佢最後唔記得畫鼻，係媽咪提佢要畫，點知佢竟然畫左個類似三角型嘅尖尖，截都截唔住，不過畫左出黎又好似無咩野咁，哈哈！
另外，Ambrose响另一張畫紙度畫左個短髮男孩，不過佢畫完短髮後，同媽咪講佢想個男仔載帽，想攞過第二張再畫，媽咪當然唔肯啦，畫兩畫就唔要攞過張咁浪費，所以媽咪要Ambrose自己想辦法幫佢修改吓戴番帽，結果就變成而家咁，佢話係皇冠喎！最搞笑嘅係，呢個男仔，竟然又戴左條好幼嘅頸鏈，仲要有個心心响度！問Ambrose畫緊邊個，佢話係佢自己喎！
令媽咪幾impressed嘅係呢個男仔個鼻，係同老師唔同畫法嘅！仲有老師係女仔，佢自己識得畫眼睫毛俾佢，叻仔！
沒有留言:
張貼留言