如是者，上左約八個月之後，Ambrose有一朝早第一次向媽咪講話唔想上英文班，媽咪當時以為佢想去玩唔願返學，所以都係氹吓哄吓佢就算，不了了之！一、兩個月後，Ambrose又再向媽咪提起唔想上英文班，媽咪問佢點解，佢就答話老師好惡，話老師成日鬧人，但再問佢老師有無鬧佢同鬧d咩野嘅時候，佢又話唔係鬧佢。同爹爹商量完，覺得既然Ambrose唔係第一次咁講，佢必定suffer緊某d野，所以至令佢再三提出要求，如果做父母都唔去幫佢，真係會好無助。
於是媽咪向中心職員如實告知Ambrose話老師惡，希望了解Ambrose上堂情況，點知職員好驚訝咁話，Ambrose終一個月前已有同佢反映過，估唔到佢最終有同爹爹媽咪講。媽咪當時已好surprised，Ambrose竟然都有同職員反映，即時好心痛，職員當時當然係無跟進，Ambrose第一次同媽咪講時媽咪又無為意，拖左咁耐佢又再同媽咪講番，媽咪至同佢去了解，佢應該捱左好耐呀！此後，職員答應代為留意上堂老師之表現。後來職員告訴媽咪，可能因為老師係外藉男老師，文化唔同，說話比較掘，而且其中有朋友仔成日叫極都唔做野，所以老師成日會大聲話呢個朋友仔，可能就係咁Ambrose覺得老師惡！Ambrose一向都唔鍾意人大聲講野，就算有時爹爹媽咪好輕微頂撞兩句，佢都會出聲話爹爹媽咪唔好鬧唔好惡。呢個男老師，媽咪一次都無接觸過，唔知其實佢點樣講野掘，但Ambrose果班計埋佢都係得三個小朋友，佢地仲要係朋友仔，如果老師真係成日鬧佢朋友，媽咪可以想像到，即使老師未必真係好惡，只要佢表現到唔耐煩而又不停話同學仔，Ambrose一定好嫌惡，一定會覺得老師唔好同惡死！
中心職員都好好，話試吓轉換老師睇吓，試左一堂再問Ambrose，佢又無話唔再上，所以又繼續上。但發覺原來之後又係個男外籍老師上番，果堂轉老師，只係因為果堂係公眾假期，個外藉老師放假而已，只係是但有人同佢地上堂，就話轉吓老師試吓！其實Ambrose又未至於好抗拒一定要唔番，不過媽咪覺得佢係要搵人呻吓，表達吓感受咁解！所以見佢又無太大反感，又照返學。後來，中心又話因應Ambrose情況，安排左好多姐姐姨姨輪流入課室教同睇住佢地，表面上仲話好多人服侍佢三個小朋友，但媽咪當場感覺麻麻地啦！一來學費價錢明明就係外藉老師價錢，之前雖然話係個老細親自跟左一堂，但佢都唔係外藉老師！老算啦，諗住試吓Ambrose第二個老師得唔得，咁就由得佢啦！而家仲要同媽咪講，幾個不知名嘅姐姐姨姨入去服侍佢地，咁似乎擺明就係無人教，是但有人就入去上吓堂，理吓佢地囉！就係有d嬲呀！
其實呢堂英交班嘅時間係四點半，一直都紮左d晏覺時間，嫲嫲同爹爹主責接送返放學，都不時有投訴反映，話Ambrose好眼瞓叫唔醒，一係就搭車出去時先瞓著，落車要叫醒佢好慘等等。爹爹亦有試過問番Ambrose上堂學過嘅野，發現佢咩都唔識，曾經，亦有向媽咪投訴，話個英文班無人交待小朋友進展，上堂幾個朋友仔又柴娃娃咁，又唔知個老師點去handle呢d情況，感覺上一直俾左Ambrose去托兒所咁，無咩得著，好似好玩多d！加上老師惡事件，再黎幾個人服侍三個小朋友事件，媽咪對個英文班徹底失望，決定要停上！
沒有留言:
張貼留言