怪獸家長(4y1m)

趁住爹爹放假同埋今日Ambrose無興趣班要上，爹爹去左接Ambrose放學，食埋lunch，直接帶Ambrose去廸士尼玩返轉！據爹爹講，今日廸士尼無人，好多野都唔使排隊，佢地係咁狂玩，真係前所未有咁開心呀！


媽咪放工join佢地，好可惜，早到但忘記帶annual pass，唯有在樂園門口等佢地出黎一齊過酒店食Buffet！因為Buffet要八點至入得，過到酒店其實未夠鐘，行埋紀念品店都仲有成半個鐘，無野好做！爹爹突然諗起，不如趁呢個空檔時間叫Ambrose做埋d功課。身上無鉛筆擦膠，爹爹仲唔知走左去邊借左返黎！

就係咁，Ambrose就坐响酒店大堂度做功課，爹爹媽咪一左一右圍住佢睇佢做功課。好彩大堂無咩人，如果唔係好可能俾人拍片擺上you tube，指責爹爹媽咪係怪獸家長，哈哈！

不得不讚Ambrose，佢咁盡情咁玩左半日，又無瞓晏覺，已經攰到不得了，要佢响咁嘅環境之下去做功課，佢竟然又肯，仲要做得好快，一陣就做好，實在好乖好叻仔呢！