Crayola Model Magic Presto Dots – Design a Race with Spinning Wheels (4y)

 好耐都無同Ambrose做手工喇！媽咪真係有d內疚，有時候真係控制唔到自己對佢嘅嚴苛！Study hard真係要Play hard，但點去平衡，真係好難拿捏！ 

今日早完興趣班，晚上時間較充裕，所以特地攞左好耐之前買落嘅Crayola Model Magic Presto Dots 出黎俾Ambrose玩！佢見到真係好開心、好興奮！

一齊睇吓說明書，解釋左逐part逐part點整，Ambrose都好合作，好努力落手整！不過原本媽咪以為個工具係好容易整到一粒圓波直接點上個造型到，點知吸完個型後，粒圓波點上去造型到係甩唔到模嘅，搞左一輪，真係好難好似幅圖咁，咁輕鬆點圓波波上去架車度，更遑論俾Ambrose自己整，唯有媽咪吸完個圓波出黎，甩模之後直接俾Ambrose自己貼上去啦！不過由於要用手貼上去，Ambrose成日要攞起架車貼呀貼咁，佢又唔識就力，結果之前貼左上去果d，又俾佢攞上手貼第二d野時摸下撳下，扁哂！另外，仲有個工具係可以响黏土上壓星星形狀出黎，Ambrose好enjoy玩呢個，甚至乎係有段時間，佢自己攞左d黏土之後，自己撈埋一堆，自己印星星，完全無理媽咪幫佢整緊佢架車！哈哈！

 

今晚，好relaxing！