Discount School Supply Part I

之前媽咪發現左Discount School Supply賣好多Art and Craft嘅野，又平又靚選擇又多，最重要媽咪好想買唔多地方有得賣嘅Bingo Bottles。好可惜，睇完一輪之後，媽咪至問呢間美國網店international order點攪，原來人地都唔做international order，真係好失望！趁住表姨媽Auntie Fannie响加拿大返黎，即管又問吓送唔送加拿大，如果送，咁Auntie Fannie可以幫手帶返香港，又可慳到運費！點知，又唔送加拿大，原本都諗住放棄架喇，Auntie Fannie後來搵到幫手送去朋友美國邊境嘅地址，佢再幫媽咪過去攞，真係麻煩哂Auntie Fannie呀！今次Ambrose就發達啦，大把好野俾佢玩呀！

 

媽咪夾啱Discount School Supply做八折先買野，抵上加抵啦！第一批托Auntie Fannie買嘅野有：

 

1)   Colorations Double-Dip Divided Paint Cups set of 5 一直都想買paint cups，因為之前用顏色碟畫畫，Ambrose好容易就將d顏色溝埋一堆，點畫出黎嘅畫顏色都唔分明，俾Ambrose攪到變哂黑啡色咁，所以想話買paint cups，諗住Ambrose可以無咁易溝色，認真d畫畫囉！不過媽咪見好多paint cups都係一色一個，杯蓋已經定左色，小朋友可以將同色畫筆插入去同色嘅paint cups度，好似幾好咁。不過媽咪驚百厭嘅Ambrose見到咁多paint cups後會超級興奮繼而攪攪震，又驚佢會唔理paint cups蓋同杯嘅顏色亂攪一番，失去左同色配對嘅意義。最重要係一色一杯嘅話就要買十個杯（通常一套都要咁多色），十個杯係咪真係有果十隻顏色先？除非買埋同牌子嘅顏料啦，咁咪絕配囉！但媽咪又有大量Crayola存貨喎，短期都唔使再買其他顏料，所以好似浪費左咁多色嘅杯咁！最最最重要嘅係，媽咪一諗起果十隻杯，如果真係要咁多顏色，呢十隻杯真係要搵張檯仔放上去至得喎，好似好麻煩咁！所以媽咪一直都想搵d無顏色嘅paint cups，彈性大d麻，而無意中發現Discount School Supply有分隔paint cups，真係啱哂媽咪啦！一杯可裝兩隻色，如果要齊十色都只係五個杯啫，如果只係要六至八隻色，都只係三至四隻杯，咁一般嘅畫板格都應該擺得到三至四個杯掛！雖然媽咪都未諗係咪會買畫板，不過都要諗得長遠少少，費時到時又煩過啦！

 

2)   Colorations Plastics Chubby Paint Brushes Set of 10 買左paint cups，當然都買埋畫筆啦！希望Ambrose唔會亂插d畫筆啦！

 

3)   Bingo Bottle Refillable Markers with Tips and Caps Set of 12

好想買bingo bottles好耐喇，因為Ambrose呢個階段好鍾意攞住d顏色筆係咁篤，呢隻bingo bottles啱哂啦，滿足佢係咁篤嘅慾望，用手在紙上拖曳亦可當畫筆咁畫，唔使開哂壇先玩到畫畫，大d重可以要佢印落指定位置練手眼協調，而且又可以做點點畫。其實香港都有現成入哂顏料嘅dot dot筆，一套六色都成二百蚊，媽咪一來嫌貴，諗住咁樣篤法，呢百幾二百蚊嘅顏色好快無哂；二來媽咪覺得可以refill嘅bingo bottles用時彈性大d，用哂顏料自己refill都好經濟，而因為樽身係透明，入顏料時又可以順手教埋溝色，真係一舉幾得呀！好想好想買好耐，香港唔見有得賣，响未買到bingo bottles之前，媽咪唯有買一枝枝膠水，諗住唔要入面嘅膠水，只要個樽咁入顏料玩住先，不過唔要d膠水又好浪費，唯有直接加顏料落膠水度，就咁玩住先！不過始終膠水同顏色係兩種物料，同埋就咁自己溝埋，時間一耐左，膠水同顏色會自己分番開，要玩都唔太方便囉！

 

4)   Super Safe Plastics Droppers Set of 12

本身已經有兩個plastics droppers，不過上次同Ambrose玩時就發現本身個droppers頂係黑色嘅，Ambrose撳時d顏色水上到頂Ambrose睇唔到，佢就成日走去睇個頂分哂心，所以媽咪覺得要成枝都係透明好d，俾佢知道個水流係點，亦都方便將來真係要同一時間玩唔同顏色時容易d睇到！同埋呢pack droppers比屋企玩緊果兩枝要長，方便d囉！本來媽咪唔需要12枝咁多，不過呢間Discount School Supply賣嘅都係俾幼稚園學校，所以通常都係一pack好多又無得散賣，見只係$2.99，上次買果兩枝都差唔多咁嘅價錢啦，呢度好抵呀！

 

5)   Colorations Classic Clours Jumbo Washable Stamp Pads Set of 6

Ambrose鍾意畫畫，次次同佢玩畫畫，佢又好鍾意油埋自己對手腳印上紙上面，媽咪見到佢咁鍾意印手腳，見到呢套jumbo stamp pads就啱哂佢啦，成隻手成隻腳可以放上個pad上面，印手印腳真係超方便，唔使再吓吓開哂水彩用畫筆油完一輪先印得喇！由於Ambrose真係太鍾意玩印手印腳，等唔到表姨媽十月先攞番香港，媽咪走左去買左一個另一牌子嘅jumbo stamp pad俾Ambrose玩住先，好貴呀，$69一個，重要媽咪買果時只係得兩隻色選擇，一隻係橙色，一隻係以前返學印名果種深藍色，咁咪即係得橙色可以買囉！不過算啦，鬼叫忍唔到咩，買住一個頂住先，表姨媽幫手買嘅呢套jumbo stamp pads真係超值，Ambrose有排玩喇！

 

6)   Colorations® Metallic Washable Stamp Pads - Set of 6

買呢套stamp pad其實只係因為買左其他野折完個價未夠數享free delivery，為左砌夠數，咁就買呢套stamp pad囉！不過之前都想買metallic色嘅，只係驚買咁多stamp pads有排都用唔哂咁啫！不過買完先發覺唔係jumbo size囉，Ambrose手可能都勉強放到入去印嘅，不過因為之前响反斗城買左幾個大印仔，點都要用大d嘅stamp pads架喇，無所謂啦！

 

7)   Easel Banner

Ambrose一直都係响地下玩畫畫，不過可能坐左响地，身體活動無咁方便，佢成日都只係畫佢前面果忽畫紙，唔會伸手去遠d畫，所以媽咪一直都想俾Ambrose企或坐响度畫畫！見到呢個掛牆easel，似乎都幾方便咁，又可整埋paint cups上去，咁樣以後畫畫應該方便好多喇！價錢又真係好平！

 

8)   Keep-it-clean Plastics Art Mats Set of 6 張art mat都幾大，大過而家宜家檯仔少少，不過唔緊要啦，都係長左少少啫！Ambrose一收到就話要開，原本媽咪一直都唔鍾意藍色，諗住先開其他色黎用，點知Ambrose係都要藍色，無法啦，用左藍色先啦！呢張art mat質量真係唔錯，睇黎一張都有排用！原本媽咪見成套六隻色咁多，自己用唔哂不如讓幾張出黎，不過收到後見到d顏色又真係好靚，唔多捨得，哈哈，都唔知讓邊隻色俾人好！

 

9)   Training Scissors

一直都想訓練Ambrose 用較剪，其實之前書展都已經買左把兒童斑馬較剪俾Ambrose，佢都知道較剪開合原理，不過都係要媽咪幫佢攞住張紙佢先剪到！媽咪都苦惱緊有時真係唔知點教Ambrose用較剪，“講”真係好抽象架麻！見到呢把較剪，二話不說就買啦，媽咪可以同Ambrose一齊用把較剪，可能俾佢更加感受到點樣開合較剪同埋協調對手攞紙同較剪！希望佢唔會推開媽咪一定要自己用把較剪就真！

 

10)   Fiskars Total Control Scissor - Blunt Tip Single Pair

呢把較剪有兩隔分開d手指，可以訓練小朋友拿較剪嘅正確姿態，雖然Ambrose都有自己嘅較剪，但呢把睇落又真係幾好，手指公、食同其他手指分開放，感覺上好似易用力開合d咁，都係買多把，睇邊把啱佢多d！