Numicon

呢排忙住攪Ambrose考幼稚園嘅野，都無咩時間update個blog添！

 

之前諗左諗右好唔好買Numicon，終於都的起心肝買啦，唔買成日諗住都唔係辦法，哈哈！其實十月時已寄到黎，係而家先至有時間放上blog度！值得一讚係Numicon出版商Oxford University Press嘅customer service真係好好，訂呢set野時system已經send個email黎話Numicon at the Seaside唔寄外國市場，媽咪只係reply個email問係咪成個order照proceed只係無左Numicon at the Seaside，點知第二日已有人回覆已同sales部門傾左可以寄俾媽咪，真係幾有效率！之後寄到黎個盒四個夾夾實盒蓋同盒身，其中一個無左，媽咪再send email問番，佢地又係好快回覆媽咪話唔好意思，即時再幫媽咪搵左d spare夾，媽咪隔左一個星期左右就收到喇，重要係佢地一寄就寄左成八、九隻俾媽咪，哈哈！媽咪覺得佢地好好呀！

 

講番套Numicon，其實媽咪呢個幾月一唔係就病，一唔係就忙住攪幼稚園嘅野，都未有時間睇番guidebook，成盒Numicon開都未開，真係慚愧喇！不過媽咪訂時已特別訂多一套shape，暫時都只係俾Ambrose玩住呢套shape先！點玩？其實只係俾佢亂玩，試吓篤手指入去個孔度，又會攞黎當泥膠模，佢最鍾意搣d泥膠放入個孔度，其實都ok嘅，佢鍾意玩就自然領悟到“量”，媽咪由佢自由發揮先，或者下次畫水彩畫，又攞黎印吓先，哈哈！啱啱重諗到可以攞黎做rubbing都得喎！最衰而家都冬天啦，唔係掉哂落水俾Ambrose釣魚釣上黎都唔錯！