Handover

星期五上午去完贊育知道要入院，下午就衝左返公司handover手上嘅野俾同事，因為就只係得番星期五下午返工喇！一路以黎我嘅工作都係獨立嘅，所以都無咩人知我d野咁，不過之前成日病假都預早講過一次俾幫我嘅同事知，但係通常d人都係未殺埋身都唔係幾入耳，原本有見及此都諗住整張list俾佢有野跟吓，點知而家咁突然都整唔切，要口講多一次，佢重捉埋其他同事幫手聽吓記吓！希望佢攪得妥妥當當啦，如果唔係我返黎要有排執呀！

 

响公司要handover，估唔到响屋企都要，哈哈！小b嘅野老公有時都有份去買，不過主要都係我去做research，d野點安排全部都响我腦入面，所以佢都好多野唔知，要我逐樣講叫佢跟住做，好攪笑咁，都唔知佢得唔得嘅！我係咁講，邊d野要用，要洗，要攞入院，擺邊度．．．．好似交代身後事咁！