今堂整甲蟲，見到Ambrose真係一下一下點黑色點點落去甲蟲身上，小心奕奕，開始感覺佢有少少識得畫畫喇，起碼唔係點完之後又畫到亂哂先啦！
呢兩隻甲蟲，媽咪覺得幾靚，不過背景又係綠色草，感覺似曾相識，好似唔止一次做呢個背景喇！同埋今次係見到老師先貼雙面膠紙在背景上面，撕走，再叫Ambrose貼甲蟲上去，本來Ambrose想話貼去第二度，但因為雙面膠紙位置已定，老師都叫Ambrose貼去指定地方，呢點媽咪有少少唔鍾意囉！其實媽咪都明白隻甲蟲濕淋淋好難要小朋友反轉面搽膠水再任佢地貼，但指定左地方點真係唔係幾好囉！其實反正幅畫落堂都唔會攞走，要等乾左下堂先攞，可以大方d俾膠水或漿糊俾小朋友在背景直接塗上再貼上甲蟲丫！就算小朋友塗到亂哂，其實膠水漿糊乾左都無咩野啫，又可以俾佢地多用小手指麻！
沒有留言:
張貼留言