公仔膠布

早排Ambrose俾蚊咬到成手成腳都係，又成日走去R，唯有同佢成日貼膠布！唔知佢係咪覺得貼膠布好勁，成日貼完之後走去show俾人睇，懶威咁！見情況無咁嚴重，傷口只係結焦，都係少d同佢用3M果隻貴膠布，都係瞓覺防佢不自覺勁R啫！

 

見Ambrose勁鍾意貼膠布，又順吓佢意，見到公仔膠布都會買黎俾佢用！之前已經買過咸蛋超人同Thomas，隻Thomas重要勁好有四隻sizes，細細張好方便！今日去深水埗一間精品店，竟然見到好多韓國膠布，有唔同公仔，其中有d都係有幾隻sizes，標價重有八折，忍唔住又買左四盒，折左只係$3x，同買盒3M公仔膠布差不多價錢，真係好抵！

 

當然剛損又未結焦時，都係用番3M安全d啦！