Ambrose嘅頭髮都算長得幾快吓，之前一直都係爹爹同佢剪頭髮，對上試過一次去出面髮型屋剪，媽咪麻麻地鍾意，因為髮型師一般都會剪到d頭髮有層次，換句話講係碎哂！果次剪完頭髮之後，Ambrose嘅頭髮碎哂薄哂，係就係幾清爽，但頭髮太輕，好多時佢瞓醒覺d頭髮就豎起哂，朝早都要花少少時間同佢整番貼服囉！自此之後，Ambrose嘅頭髮都係出自爹爹之手！
呢排已經覺得Ambrose嘅頭髮又長左好多，好多時前面d頭髮都拮到眼睛，講左話剪頭髮幾次，偏偏次次都唔記得又或時間唔啱！直至今晚，媽咪終於忍唔住出手喇！今次都係媽咪第一次幫Ambrose剪頭髮咋！即時whatsapp張相俾爹爹睇，似乎佢唔係太欣賞，哈哈，可能發覺原來媽咪剪得靚過佢，嘩哈哈！
沒有留言:
張貼留言