Scissors Training @ 2y9m

今晚同Ambrose做完學校功課後，就開始好耐無做過嘅Scissors Training！可能實在太耐無揸較剪，Ambrose有少少亂咁，將手指公插左去大孔，將其他手指又插左去細孔度，又有時開合較剪唔係好順暢，要再提點佢至得！

 

今日俾左唔同線條俾Ambrose剪，首先係直線，可能太耐無剪，所以有少少笨拙，中途重差d剪唔到發難！哈哈！之後都係直線加橫線，剪順左少少，又ok咁！再黎係之字線，以為Ambrose一定放棄，又無喎，自己努力剪剪剪，都剪到，不過當然係唔多直，同埋角度有偏離啦！最後係彎線，呢個又估唔到好快手就剪到，以為呢個係幾難架麻，點知媽咪似乎估計錯誤喇！

 

似乎，有時間真係要多d做Scissors Training至得喇，一放低左就頓哂！

 

P.S. 呢個Ambrose剪剪吓又周身郁，原本坐定定剪，唔知幾時就住坐左上張檯剪，見佢咁專心剪，唉，由得佢先啦！