Leapfrog Tag Set

一直都無諗過買Leapfrog Tag，因為家中嘅DWE已經荒廢梗，枝Robin I-Pen未用，仲有套智慧寶寶又係得個擺字，套套都有枝點讀筆，Ambrose細個玩都玩壞過好多次，而家d教材又無咩點用，證明爹爹媽咪懶，同埋Ambrose都暫未適宜用點讀筆！DWE就話有無限保養，其他過左保養就真係無架麻！

 

不過其實媽咪一直都想買Leapfrog Tag果張Map，但有Map無筆又唔得，基於驚又買多枝筆都係擺多，一枝筆成$400又唔係平，所以都係算啦，等Ambrose再大d有無興趣至諗其他野啦！

 

點知早排見blog友講起深水埗有平嘅Leapfrog Tag Set賣，$280有枝筆加三本書喎，真係好抵，當買三本書都唔係貴丫！所以吸引左媽咪今日走一轉去買！呢間店原來媽咪之前成日都去行，不過以前就無Leapfrog，多數係Fisher-Price、麵超同Thomas，估唔到而家有埋Leapfrog呢d較學術性嘅野！

 

唔知爹爹見到呢盒野會唔會又哦媽咪呢？！哈哈！