今晚Ambrose好快手咁整完架巴士同埋畫埋幅畫，見重有少少時間，又攞左Kumon Workbook出黎俾佢做。Let’s Colour系列已經做完哂，見反正用開漿糊貼開野，咁就攞左Let’s Sticker and Paste出黎俾Ambrose玩！
之前嘅練習都係比較簡單，只係一個圖案無左一part，要Ambrose就咁貼番上去cover番空白位置，又或者要幫手晾衫或放野入雪櫃嘅貼圖。本workbook做到後面已經係集拼圖同貼圖於一身嘅訓練！
開頭一幅係最簡單嘅，一把雨傘，只係對半咁剪開左，Ambrose要拼番好佢貼埋，不過Ambrose都係將幅圖上下掉轉黎貼，完全好似無睇住黎做，俾佢激死！之後嘅圖案，真係有少少複雜，要砌城堡，雖然已有兩張係定左响度，只得兩張要砌，Ambrose都麻麻地砌到，係要媽咪不斷提示再提示！穿梭機就做得最好，唔使媽咪提，佢都可以自行拚到，可能穿梭機線條比較簡單，兩邊對稱，而且顏色亦好分明，所以比較易做！再黎嘅係車，直昇機，松鼠，獅子同大笨象等，都係要自己一手一腳砌出黎，車車同直昇機媽咪都勉強提示到Ambrose點樣拼，但果幾隻動物就難少少，媽咪要擺定左兩、三張拼圖再叫Ambrose幫手拼其餘果d先至得！
雖然d拼圖都幾難，但Ambrose都算有心機，都無放棄唔做，反而媽咪不斷話要瞓喇，佢都不斷堅持要做，last完又last，攪到爹爹都忍唔住開口叫瞓覺，唔可以咁奸，last完又繼續玩唔肯停！
沒有留言:
張貼留言