別了

今日係我响入境處返工嘅最後一日喇！以前成日都好想走，但到今日真係要別了，又總係有點不捨！响呢度差不多五年喇，話開心咩，又唔係喎，呢度曾經有段時間d人嘅組合真係好好，成個office氣氛都好熱鬧！隨住唔同嘅人不斷post in同post out，呢d熱鬧氣氛都不復再，我都做到意興闌珊！加上合約工真係無咩前途可言，成日吹風話cut合約工又真係開始左，見有d同我同位嘅人都開始唔續約，我先至真係的起心肝再搵工！

 

本來，我以為自己會好冷靜咁走，但原來我個人真係好渣，走嘅時候都係忍唔住想喊，眼淚雖然未流出黎，不過都差唔多講唔到野咁濟，諗起都好樣衰！

 

雖然人人都話又唔係以後都唔見，我亦唔係擔心無機會再見，但激動嘅心情真係控制唔到，始終响度工作都話短唔短，面對黎緊嘅新工又不無心理壓力，既擔心適應問題又擔心呢份工將會帶來自己平穩嘅生活有可能嘅轉變，年紀唔細，總希望呢份工平安過度，唔使再尋尋覓覓喇！