Jigos 機械人

早幾日開左盒Jigos出黎同Ambrose一齊砌，開左盒至知果d砌片原來都好鬼大塊！媽咪對於呢d玩意都無咩天份，又見盒內有圖例，所以叫左Ambrose揀要砌邊個，佢揀左機械人！

 

不過圖例只係圖例，其實都無教人點砌，所以媽咪都係對住圖係咁諗應該點砌至得！有俾Ambrose自由發揮，不過d砌片好實，佢都唔係幾砌到！

 

砌完一輪終於都砌左個機械人出黎，真係好大隻！好可惜，佢係企唔到架！睇圖應該係可以企架，唔知點解實際係唔得！

 

玩後感，呢隻Jigos其實都唔係幾好玩，一來佢好實，二來砌完出黎其實都唔靚，兼且所有手腳都郁唔到，三來媽咪真係唔識玩呢d要有創意嘅玩具，而Ambrose對於機械人企唔到亦頗在意，可能加上自己砌唔到無咩成就感，睇得出佢對呢隻Jigos無咩興趣，都係Lego啱玩d！