抄左Herman媽咪整雪條棍相架嘅idea，又同Ambrose製作起來！不過製作過程歷時左一段長時間喇，哈哈！首先同Ambrose將雪條棍痴好，再擺埋一邊等乾，呢一擺，真係擺左好耐，爹爹都問媽咪，成排雪條棍擺响度做咩？哈哈！
其實，係媽咪一直都未諗定點裝飾個相架，所以遲遲未有跟進！想話好似Herman媽咪用Playcorn整隻立體嘅雀仔貼上去，媽咪又唔多識整，結果最後好簡單整左朵花，諗住教Ambrose整都似乎易d！
整完朵花又擺左一段時間，因為又未諗到除左朵花之外，重可以用咩黎裝飾個相架！結果有日無意中摷到一包之前買落嘅甲蟲造型絨布貼紙，即時覺得好襯朵花，就係佢喇！
今日係父親節，一早起身趁未去上畫班，叫左Ambrose將d甲蟲貼紙貼上去相架度裝飾，完成埋個相架，順便當父親節禮物送埋爹爹，perfect！原本媽咪同Ambrose講將幾隻甲蟲貼在唔同嘅角度，點知佢竟然自己有自己貼，將三隻甲蟲貼埋一堆，效果又真係好好，比起媽咪原本諗嘅版本，真係好好多添！
無準備相，最後家中有一張滿月時影嘅相double曬左出黎，就即時用左張bb相放入個相架度，呢個手作仔相架，媽咪真係超滿意，哈哈！
沒有留言:
張貼留言