前晚好辛苦一次過準備左好幾份手工材料同Ambrose一齊做，今晚就即刻做左一份喇！
巴士材料一早攤好哂出黎，再擺左幅圖响Ambrose前面俾佢對住自己做！又估唔到都可以喎！巴士貼好左之後，媽咪略嫌幅畫好單調，俾左crayons叫Ambrose畫少少野上去！佢畫左個太陽，d光線有好多條，哈哈！佢用左橙色畫完，再用紅色油中間個圓形，比著以前佢一定畫完就算，無見過佢番手油白色位置，今晚媽咪見佢油，都有少少surprised！媽咪叫Ambrose畫多一舊雲，哈哈，舊雲好似個心心！算係咁啦，唔係畫個橢圓形出黎，都叫嘗試畫波浪形！之後Ambrose畫左個人排隊上巴士，不過今次佢畫嘅人仔，一團糟，重要只有塊面，媽咪要出手幫佢畫下埋半身至得！畫完後Ambrose俾嫲嫲睇，嫲嫲以為個“人”係“巴士站”個牌，嘩哈哈！
沒有留言:
張貼留言