今日上堂又見到好多新面孔，之前已經將一d大少少嘅小朋友調走，所以成班由十幾人變番幾個人，呢幾堂不斷都有人黎試堂，開始又多返少少小朋友喇！有個小妹妹應該比Ambrose大，入左課室無耐就比老師推番出黎話佢喊，聽見佢爹爹係咁氹佢入返去，佢都係咁話驚，但又睇得出佢係好想學跳舞，最後足足等左成半堂至入返去再無出黎喇！有時候媽咪都好慶幸當初咁細個俾Ambrose上興趣班就咁順利，重要一上就要上星期六日兩日咁多，每次都無扭計無喊，原來真係好難得！
今日上堂尾段又係聽到有“小小姑娘”呢段音樂，出返黎問Ambrose今日跳舞首歌係咩，佢都講到出黎，算係咁啦！到而家為止，上文協芭蕾舞都有四個月喇，但每次叫Ambrose示範上堂做咩佢都做唔到出黎，問極都無反應！就連表姐仔都係咁，所以真係唔知佢上堂究竟學左d咩！只係唯一一次在家中著鞋坐在地上盤膝而坐時，Ambrose突然“un”雙腳後再扒埋去腳趾度錫左一啖，呢組動作係壓腿拉筋動作，媽咪都未見過Ambrose做，佢做完之後就同媽咪講上Ms Chiu堂教架喎，即係話原來上芭蕾舞堂都有教拉筋！其他嘅真係唔知，老師亦從無同媽咪講上堂情況係點。黎緊九月前應該會同Ambrose轉跳舞學校喇，希望轉去新一間學校之後，媽咪會對Ambrose學跳舞多一點了解啦！
沒有留言:
張貼留言