Home Craft Time @ Make a Buggy (2y10m)

尋晚又同Ambrose做手工，今次做嘅係Make a Buggy，倒模車車！Ambrose一見到個盒係車車已經好興奮，見到parts車輪又自己砌，係咁問“係咪咁”，好攪笑！

 

先將d粉倒落個膠兜度，怕Ambrose一倒倒到周圍都係，再叫佢幫手慢慢倒d水落去試攪，不過佢倒得太少水又攪唔起，仲大力得濟撩起左d粉出黎！媽咪唯有幫佢倒多少少易攪d啦！

 

攪起之後就順便叫Ambrose“不”埋落個模度，佢又係好興奮！估唔到d粉開出黎之後乾得幾快，加上Ambrose動作慢左少少，所以到尾時d粉漿已經半乾，媽咪要快手同佢掃番平個車底！

 

Ambrose今日已經係咁同媽咪講架車車乾左喇，睇佢個樣真係好想拆架車出黎睇咁！不過媽咪重未諗到點畫個車身好，定還是都係由得Ambrose自由發揮好呢？反正就算起左稿俾佢上色，應該都麻麻地跟到架喇！哈哈！