尋晚執行李時無意中睇吓果日去反斗城買野張單，無啦啦見到原來Crayola產品原來仲有八折，登時覺得好抵！本來之前都有諗過再去一次補購d小禮物俾Ambrose派俾同學仔做手信，不過要特登再去過只係為左買少少野又好似好無謂。尋晚見到Crayola產品有八折嘅時候，真係好想好想可以再去買過！結果，趁今朝十一點半要還車，我地又早左起身，有個小小嘅檔期，可以飛車過去作最後衝刺！估唔到嘅係，十點未夠去到，一心以為應該都開左門，點知原來未開，要十點至開門，仲要出面已經有好多人同我地一樣等緊，唔係遊客，係本地人，哈哈！一開門，我地就衝左入去，咁啱有Crayola擺promotion counter，有好多mess free color wonder填色紙俾Ambrose消磨時間，真係太好，佢一共油左兩張，感覺賺左咁，哈哈！一邊箱Ambrose油顏色；另一邊箱，媽咪去左買小禮物俾Ambrose同學仔，再加購多一盒麵包超人嘅mess
free color wonder，同埋兩盒細嘅公主俾兩個表姐，真係大滿足呀！爹爹原本想話買埋把戰隊槍同劍俾Ambrose，話香港未有嘅，媽咪無異議，點知無哂貨！
離開左反斗城，去左還車！值得一讚係租車公司職員見我地有兩大件行李，主動叫我地寄存行李，咁我地可以無咁辛苦，可以輕鬆少少去行Outlet Mall Ashibinaa！因為還車地點近機場，而還車後至上機中間有段時間無野做，所以爹爹當初schedule行Outlet，仲話諗住唔知點樣捱咁耐，因為佢覺得行Outlet都行唔到咁耐！但事實上，女人行街，點會嫌多架？！媽咪就覺得唔多夠時間行添呀，好趕！呢度真係好好，女人行街，小朋友會唔會悶？答案係唔會囉，因為成個Outlet都有好多小朋友玩樂設施，好似有跳彈床、划船、小火車等！媽咪去血拼，爹爹就同Ambrose去玩，哈哈！
怱怱行左幾間店之後，就要過返去攞行李搭shuttle bus過機場了！
沒有留言:
張貼留言