Pattern Play (3y8m)

一邊箱，爹爹買左把戰隊槍俾Ambrose，另一邊箱，媽咪竟然見到久違了嘅清貨區，即時興緻勃勃係咁睇有無好野！其實而家已經好少見到有清貨區，就算有，都已經無以前咁平囉，以前擺得去清貨區，一定會平一半咁多，而家放响清貨區嘅玩具，好多時都係平幾十蚊，但就包裝盒溶溶爛爛！

 

睇完一輪都無咩特別啱Ambrose嘅玩具，係見到呢盒Pattern Play。呢盒積木以前都想過買俾Ambrose玩，不過果時家中已有彩虹積木，又有一桶普通積木，加上之前買嘅Winomino仲未開出黎玩，再買好似好多積木咁，所以都係算罷啦！今日再見呢盒Pattern Play，依然覺得幾好，好益智，清貨價約七五折左右，唔係話好抵，不過總算平左。最終，媽咪都敗了呢盒Pattern Play，自用又好，送人又好，都係唔錯嘅！